Mesazhi i Rrahmanit për Gattuson

15:28 | 27 Gusht 2020
A. B.

Amir Rrahmani është i gatshëm ta ndihmojë Napolin të arrijë objektivat, duke luajtur kudo që Gennaro Gattuso e vendos në fushë.

Kapiteni i Kombëtares së Kosovës ka luajtur pothuajse në të gjitha pozicionet e repartit mbrojtës; mbrojtës qendror, mbrojtës i djathtë, mbrojtës i majtë – dhe ai s’e ka probleme që edhe te Napoli të luajë në ato pozicione.

“Nuk kam preferenca (tha ai kur u pyet nëse preferon që të luajë në qendër të mbrojtjes në të majtë, apo në të djathtë)”, u shpreh ai.

“E shoh veten si një mbrojtës agresiv që është shumë i mirë në ajër. Këto janë cilësitë e mia. Kam luajtur në shumë pozicione prapa, mendoj se mund të përshtatem në sistemin e Napolit. Kam luajtur edhe mbrojtës krahu, jam i gatshëm që ta ndihmoj në çfarëdo mënyre trajnerin. Nganjëherë dua që të shkoj më shumë para dhe pse jo, të shënoj edhe gola”.

“E di se i jam bashkuar një ekipi fantastik dhe shpresoj që të rritem dhe të fitoj diçka të madhe me Napolin në të ardhmen”. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm